超級鑽石筍盤李澤楷自從同梁洛施分手後，轉投情傾25歲香港小姐郭嘉文兩年，最近舊愛李澤楷仲首度公開認愛，可見郭嘉文依然坐穩「楷女郎」寶座 。另一邊廂，梁洛施依舊衣食無憂，雖然是3子之母，但都不愁無拖拍，先後喺法國同加拿大不同地方被影到約會異性。喺去年底梁洛施就被影到同四眼男撐枱腳，仲任由男方連手帶唇錫足33次，相當煙韌!
登入 瀏覽本網站，可獲取積分換領專屬優惠
點擊查看專屬優惠
演藝圈當中亦有唔少女星好似Isabella咁雖然情路坎坷，但為咗仔女，佢哋都唔介意母兼父職，扶養自己嘅心肝椗長大，同時亦繼續活得精彩，用行動證明比大家知單身都一樣過得好幸福。
張柏芝
90年代女神張柏芝同謝霆鋒愛得轟烈，但柏芝為霆鋒生下兩個囝囝之後，兩人就喺2012年5月20日向外界宣報離婚，面對老公搵返舊愛王菲、票房毒藥等等嘅負評，佢都一於少理，淨係專心照顧囝囝，盡情把愛投放喺佢哋身上。
羅霖
半百美魔女羅霖九六年同富商劉坤銘結婚並育有三子，外界以為她上岸做闊太，直至羅霖稱遭到家暴，而選擇離婚，仲自動放棄一蚊都唔攞。離婚後羅霖，人氣反升，除咗拍出寫真曬身材，羅霖自己仲話有唔少小鮮肉要追佢，要同佢「母子戀」添。
黎瑞恩
其實《發誓》一曲同小恩子嘅愛情路，有啲似。皆因2014年小恩子與前夫曾智明離婚後，帶著一對子女重過新生活，因為大女曾凱栭一句鼓勵說話：「媽咪，你唱歌啦，會開心啲。」
思前想後，小恩子決定重返樂壇，並推出HiFi碟。」決定分開後，小恩子有如釋重擔的感覺，脫下戒指更鬆一口氣，仲話「分開未必唔係一件好事，可能喺小朋友嘅角度會有啲遺憾，唔係一個有爸爸媽媽嘅屋企，但如果爸爸媽媽唔夾、唔開心的話，日日見到爸爸媽媽咁樣，其實都影響佢哋長大，即點樣睇男女關係嘅心態，甚至令佢哋有陰影，以為屋企人相處係燶口燶面。」
唐寧
2010年下嫁「舞台劇才子」鄧偉傑，翌年誕下兒子俊俊，2015年再誕一女嗡嗡。原來幸福的背後，Leila和鄧偉傑的婚姻早有裂痕。Leila離婚後，花更多的時間投入做善事，以身體力行教小朋友要有愛心，果然內心如樣子一樣美。
楊思琦
01年香港小姐冠軍楊思琦，16年來經歷人生不同的高低起伏，6年前她選擇做單親媽媽，獨力撫養愛女。
雖然佢生下女兒後不停有好多負面報道，不過佢認為囡囡係上天俾佢最好嘅禮物，相信自己都有能力及可以給予她足夠的愛。思琦背後還有楊媽媽嘅支持，幫佢湊小朋友。雖然經歷高低起跌，但思琦對負面新聞一於少理，只專注於努力賺錢俾囡囡最好嘅生活。