【TWICE】周子瑜中秋節回台南過節 被捕獲平民裝陪媽媽買餸
撰文：黎嘉穎
出版：更新：
TWICE出道至今一直行程密密麻麻，趁住中秋節終於可以抖下。（網上圖片）
今日是中秋節，是人月兩團圓的日子，大家都趕住快快完成手上工作今晚跟家人慶節。而在韓國發展的女團TWICE成員周子瑜亦趁住中秋節專誠同所屬公司JYP娛樂拎幾日假回家鄉台南慶節，仲被影到同媽媽行超市買餸，認真是廿四孝乖女。
台灣籍成員周子瑜撇甩TWICE成員一陣，回台南陪屋企人過節。（網上圖片）
有台灣網民於超市見到子瑜同媽媽買餸，子瑜仲好乖咁幫手拎野。（網上圖片）
（觀看更多）【TWICE】周子瑜絕對天然！ 清純小學相被公開靚樣冇變過
昨日，有台灣網友就幸運地在台南某超級市場野生捕獲到子瑜，雖然子瑜已經戴晒口罩同眼鏡，亦以極簡約的平民裝現身，但本身擁有「仙氣」的她一眼就被輕易認出。向來都是乖乖女一名的子瑜當日就做「跟得囡囡」，一直緊隨媽媽選購食物，見到子瑜一手拎紙袋一手拎購物籃，看得出今個中秋節她跟媽媽都大豐收，而子瑜亦被大讚是乖囡，沒有半點「公主病」。
見到子瑜左手一袋，右手一袋，睇嚟大豐收喎。（網上圖片）
+4
我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/