【爸爸去哪兒】Jasper最鍾意應采兒：好想有《媽媽去哪裡》
撰文：黃朗鈞
出版：更新：
Jasper好想有《媽媽去哪裡》，可以同應采兒去旅行。（網上圖片）
話咁快又星期四，《爸爸去哪兒》又出新一集，大家終於可以見到Jasper同其他小朋友繼續去旅行喇！不過今集Jasper似乎對《爸爸去哪兒》有少少怨言喎，皆因Jasper一見到村長就細細聲同佢講：「我好想會有個《媽媽去哪裡》！」之後仲補多句：「我只是不想跟爸爸單獨在一起！」咁啱小春係後面聽到應一應，真係聽到心都酸埋。
應采兒實在太錫Jasper，他在陳小春面前仍然話最鍾意媽媽。（網上圖片）
今集一班小朋友嚟到貴州興義旅行，當到揀房子的時候，Jasper拉村長埋一邊，細細聲同村長講：「我好想有一個《媽媽去哪裡》。」村長聽到佢突然咁講就當然問點解，Jasper就話：「因為我最喜歡的就是我媽媽。」村長聽到都覺得春哥慘，所以就問Jasper：「那你爸爸知道了，會不會難過呀？」但Jasper望一望小春，再向村長陰陰聲話：「我只是不想和爸爸單獨在一起。」村長話：「是不是有的時候爸爸有點兇？」Jasper只係委屈的點點頭。
可能頭幾集小春太惡，嚇到Jasper怕怕。（網上圖片）
而小春正正企係後面，一字不漏咁聽晒啱啱的對話，但佢沒有發脾氣，反而講笑咁同Jasper講：「你和村長說了什麼，我全聽到啦！」其實小春自從參加咗《爸爸去哪兒》之後，已經變咗好多喇，好似今集咁，有幾次小春就快要爆火果陣，佢都笑一笑就消咗淡氣，同第一集的改變得非常大，足以見到小春有幾錫Jasper，不過Jasper咁明白事理，佢應該好快感受到小春的愛。
小春聽到Jasper咁講，心都酸埋。（網上圖片）
+3