第44代「五色戰士」《魔進戰隊》3月登場　點解全部紅色做隊長？

其實除咗《恐龍戰隊》、《五星戰隊》，香港人對「五色戰隊」又有幾多認識？其實呢兩隊「戰隊」都係日本朝日電視台自1975年開始連載嘅《超級戰隊系列》嘅其中一分子，《恐龍戰隊》其實已經係第16代（1992年）、《五色戰隊》就係第17代（1993年），總數44隊。而呢個《超級戰隊系列》嘅最大特色，就係幾乎所有都係由5人組成，另外再加1或多位「特別角色」，例如《五星戰隊》入面，由原本組成嘅「紅、綠、藍、黃、粉」額外加多位白色隊友；而另一個最大特色，就係清一色都係用「紅色」戰士做主角／隊長（企中間）。原因方面至今有好多猜測，但最為人所認同嘅係日本國旗係一個「紅色」太陽，所以淨用紅色。而最有有創意嘅地方係，喺呢44隊入面，話就話嚟嚟去去都係嗰幾隻色，但全部戰隊都唔同名，服裝造型亦有所不同，所操控嘅機械人亦都有好明顯嘅分別，但一次過睇晒44隊，真係好似玩緊Photo Hunt！
而嚟緊3月就會喺日本播放嘅第44代超級戰隊-《魔進戰隊》。